2017 წლიდან დღემდე სიღნაღის მუნიციპალიტეტში ახალი ვენახების გაშენება აქტიურად მიმდინარეობს. ახალი გაშენებული ვენახების საერთო ფართობმა 350 ჰექტარი შეადგინა. აქედან თეთრი ყურძნის 90-ს, ხოლო წითელი - 260 ჰექტარს შეადგენს.

  სიღნაღის მუნიციპალიტეტში ვენახების რეგისტრაცია და საკადასტრო ინფორმაციის განახლება დაიწყო.

  პროექტი მევენახეობა-მეღვინეობის დარგის განვითარების ხელშეწყობის მიზნით ხორციელდება, რაც გულისხმობს:

  თეთრყურძნიანი და წითელყურძნიანი ვაზის ჯიშებით გაშენებული ყველა ვენახის რეგისტრაციას, ასევე, ვენახთან დაკავშირებული ცვლილებების შემთხვევებში (ყიდვა-გაყიდვა, გაქირავება, გაჩუქება, გაშენება ან ამოძირკვა) სარეგისტრაციო ინფორმაციის განახლებას.

  ზემოთ აღნიშნული პროცედურების გავლა მევენახე ფერმერებისთვის სავალდებულოა.