ქალაქ წნორში არსენას ქუჩის გზის რეაბილიტაცია დასრულდა
#რეგიონშიგანსახორციელებელიპროექტებისფონდი
სიღნაღის მუნიციპალიტეტის ქალაქ წნორში არსენას ქუჩის გზის რეაბილიტაცია დასრულდა.
პროექტის მიხედვით, 628 მეტრის მანძილზე ასფალტობეტონის გზის საფარი და სანიაღვრე მოეწყო. ასევე, რეაბილიტირებულ გზაზე გაკეთდა საგზაო ნიშნები.
შიდა საუბნო გზის რეაბილიტაცია რეგიონში განსახორციელებელი პროექტების ფონდიდან და სიღნაღის მუნიციპალიტეტის ადგილობრივი ბიუჯეტიდან დაფინანსდა, რომელზეც 348 371 ლარი დაიხარჯა.
განახლებული გზით 650 ბენეფიციარი სარგებლობს.
