ახალი სპორტული მოედანი სიღნაღში
მალე, ქალაქ სიღნაღს ახალი სპორტული მოედანი ექნება.
სიღნაღში თანამედროვე სტანდარტების შესაბამისი, ხელოვნურსაფარიანი სპორტული მოედნის მშენებლობა უახლოეს პერიოდში დასრულდება. ამჟამად სპორტულ მოედანზე ხელოვნური საფარის დაგება მიმდინარეობს.
სამშენებლო სამუშაოები სიღნაღის მუნიციპალიტეტის მერმა, მალხაზ ბეგიაშვილმა პირველ მოადგილესთან, დავით დურგლიშვილთან ერთად დაათვალიერა.
სათამაშო მოედნის მშენებლობა რეგიონში განსახორციელებელი პროექტების ფონდიდან და სიღნაღის მუნიციპალიტეტის ადგილობრივი ბიუჯეტიდან ფინანსდება, რომელზეც 460 012 ლარი დაიხარჯება.
