შშმ პირებს გადასაადგილებელი ეტლები გადაეცათ
არასამთავრობო ორგანიზაციამ "საქართველოს ქალები მშვიდობისა და სიცოცხლისთვის" სიღნაღის მუნიციპალიტეტის მერიას, შეზღუდული შესაძლებლობის მქონე პირებისთვის განკუთვნილი რვა გადასაადგილებელი ეტლი გადასცა.
ეტლების გადაცემის პროცესში სიღნაღის მუნიციპალიტეტის მერი მალხაზ ბეგიაშვილი, მოადგილესთან გოჩა ვარდიაშვილთან, წარმომადგენლებთან და საკრებულოს დეპუტატებთან ერთად ჩაერთო.
ეტლები მუნიციპალიტეტის მასშტაბით რვა მიზნობრივი ჯგუფის წარმომადგენელმა მიიღო.
