სოფელ ბოდბეში საავტომობილო გზების რეაბილიტაცია მიმდინარეობს
სიღნაღის მუნიციპალიტეტში საგზაო ინფრასტრუქტურის მოწყობა აქტიურად გრძელდება.
სოფელ ზემო ბოდბეში ცენტრალური, „ბოხორის“, „ინტერნატის“ უბნის, ზემო და ქვემო ბოდბის დამაკავშირებელი საავტომობილო გზების რეაბილიტაცია მიმდინარეობს.
პროექტის ფარგლებში დაიხარჯება 7 999 000 ლარი, რომელიც მოიცავს ზემო ბოდბის ცენტრალური, ბოხორის, „ინტერნატის“ და ზემო და ქვემო ბოდბის დამაკავშირებელი გზების რეაბილიტაციას. ჯამში 9 193 მეტრის მანძილზე მოეწყობა ევროსტანდარტული ხარისხით დაგებული გზა.
აღსანიშნავია, რომ მრავალი წლის მანძილზე შიდა მუნიციპალური გზები იყო ძლიერი ორმოული დაზიანებებით და მოსახლეობის გადაადგილებას შეუძლებელს ხდიდა.
