20 ივლისს სიღნაღში „იაპონური ფესტივალი“ გაიმართა. ღონისძიებას პარლამენტის წევრი დავით სონღულაშვილი, მერი მალხაზ ბეგიაშვილი და მოადგილე გოჩა ვარდიაშვილი ესწრებოდნენ.

ღონისძიება იაპონური ორგანიზაცია JICA-ს მოხალისეების ინიციატივით, ორგანიზაციის (JICA) მხარდაჭერით და მერიის ორგანიზებით ჩატარდა.

ფესტივალის ფარგლებში იაპონურ თემაზე სპექტაკლის ჩვენება გაიმართა, რომელშიც სიღნაღელი ბავშვები იღებდნენ მონაწილეობას.

ამის გარდა, მოსულ სტუმრებს საშუალება ჰქონდათ ჩართულიყვნენ სხვადასხვა აქტივობებში. ადგილზე იყვნენ იაპონელi კალიგრაფები, რომლებიც მოსული სტუმრებისთვის იაპონურ იეროგლიფებს წერდნენ.