სიღნაღის მუნიციპალიტეტის მერიის ორგანიზებით, ქალაქ სიღნაღის საჯარო სკოლაში ინტელექტუალური თამაშის - „რა? სად? როდის?“ ფინალური ტური გაიმართა. მასში მონაწილეობა ექვსი საჯარო სკოლის გუნდმა მიიღო.

 ფინალურ ტურში გამარჯვებულ საქობოს საჯარო სკოლის გუნდს - „რაგნაროკს“ სიღნაღის მუნიციპალიტეტის მერის პირველმა მოადგილემ, დავით დურგლიშვილმა ინტქლექტუალური თამაშის სიმბოლო - ბუ და წიგნები გადასცა.

 ფინალის სამეულში გასული გუნდის წარმომადგენლებმა სიმბოლური საჩუქრები მიიღეს.

 ღონისძიების მიზანია სიღნაღის მუნიციპალიტეტში მოსწავლე-ახალგაზრდობის ერუდიციისა და ინტელექტუალური დონის ამაღლება.

 ინტელექტუალური თამაში სიღნაღის მუნიციპალიტეტის მაჟორიტარი დეპუტატის, დავით სონღულაშვილის ინიციატივით დაიგეგმა.