გენდერული ძალადობის 16-დღიანი კამპანია
10 დეკემბერს ადამიანის უფლებების დაცვის საერთაშორისო დღეს დასრულდა გენდერული ძალადობის 16-დღიანი კამპანია, რომლის ფარგლებშიც სიღნაღის მუნიციპალიტეტის გენდერული თანასწორობის საბჭოს წევრების საინფორმაციო ხასიათის გასვლითი შეხვედრები ყველა ადმინისტრაციულ ერთეულსა და სოციალურად უმწეოთა თერაპიის კავშირ ,,ქედელი“-ში გაიმართა. შეხვედრებს გენდერული თანასწორობის საბჭოს წევრებთან ერთად ადგილობრივი თვითმმართველობის წარმომადგენლებიც ესწრებოდნენ. შეხვედრებში ჩაერთო სახალხო დამცველის აპარატის წარმომადგენელი ეთერ შიუკაშვილი და ნათია ფიცხელაური, ასევე სიღნაღის მუნიციპალიტეტში არსებული ძალადობის მსხვერპლთა კრიზისული ცენტრის ხელმძღვანელი ია ფირაშვილი.
კამპანიის მიზანი ძალადობის შესახებ არსებული სახელმწიფო სერვისების, ადგილობრივი სოციალური სამსახურის პროგრამის მსხვერპლის სტატუსის მქონე პირის ბინის ქირით უზრუნველყოფის და მუნიციპალურ ,,ქალთა ოთახის'' სერვისების გაცნობას ემსახურებოდა. მუნიციპალიტეტი აქტიურადაა ჩართული მსგავსი ტიპის კამპანიებში და ყოველწლიურად უერთდება ქალთა მიმართ ძალადობის წინააღმდეგ მიმართულ ღონისძიებებს.
