ბაკურციხე-წნორის ახალი შემოვლითი გზის პროექტი
საქართველოს რეგიონული განვითარებისა და ინფრასტრუქტურის სამინისტროს სსიპ საავტომობილო გზების დეპარტამენტის წარმომადგენლები ქალაქ წნორში სიღნაღის მუნიციპალიტეტის მოსახლეობას შეხვდნენ.
საავტომობილო გზების დეპარტამენტის თანამშრომლებმა ადგილობრივებს ახალი პროექტი - ბაკურციხე-წნორის ახალი შემოვლითი გზის რეაბილიტაცია გააცნეს და მის მიზნობრიობაზე ისაუბრეს.შეხვედრაზე ასევე, განიხილეს გზის სარეაბილიტაციო მონაკვეთზე კერძო მფლობელობაში არსებული მიწების კომპენსაციის საკითხი.
ბაკურციხე-წნორის შემოვლითი 16.6 კმ-იანი გზის მშენებლობა დაიწყო.
აღნიშნული მონაკვეთი, თბილისი-ბაკურციხე-ლაგოდეხის გზის ნაწილია, რომელიც მჭიდროდ დასახლებულ ტერიტორიაზე გადის და სატრანზიტო მოძრაობის მაღალი ინტენსივობით გამოირჩევა.
ახალი გზა გვერდს აუვლის მჭიდროდ დასახლებულ წნორს, 6 მიმდებარე სოფელს და ბაკურციხე-წნორის მიმართულებით მოძრავ ავტოტრანსპორტს საჭიროების გარეშე აღარ მოუწევს წნორში და მიმდებარე სოფელში გავლა.
