ქალაქ წნორში რუსთაველის ქუჩის გზის რეაბილიტაცია
სიღნაღის მუნიციპალიტეტში საგზაო ინფრასტრუქტურის მოწყობა აქტიურად გრძელდება.
ქალაქ წნორში რუსთაველის ქუჩის და მისი ჩიხების გზის რეაბილიტაცია აქტიურად გრძელდება.
ამ დროისთვის დასრულდა სანიაღვრე სისტემის მოწყობა და მოასფალტების მოსამზადებელი სამუშაოები.
პროექტი, რომელიც რეგიონში განსახორციელებელი პროექტების ფონდიდან და სიღნაღის მუნიციპალიტეტის ადგილობრივი ბიუჯეტიდან ფინანსდება, რუსთაველის ქუჩაზე ორფენოვანი ასფალტის საფარის დაგებას, ტროტუარის, სანიაღვრის და ეზოებთან მისასვლელების მოწყობას ითვალისწინებს.
აღსანიშნავია, რომ მრავალი წლის მანძილზე აღნიშნულ ქუჩაზე გზა ამორტიზებული იყო და მოსახლეობას გადაადგილება უჭირდა.
რეაბილიტირებული გზით წნორში 1500 ბენეფიციარი ისარგებლებს.
