მოსახლეობასთან კონსულტაციები გრძელდება
სოფლის მხარდაჭერის პროგრამის ფარგლებში სიღნაღის მუნიციპალიტეტში განსახორციელებელი პროექტების შესარჩევად მოსახლეობასთან კონსულტაციები გრძელდება.
სიღნაღის მუნიციპალიტეტის საკრებულოს თავმჯდომარე დავით ჯანიკაშვილი, მერის პირველი მოადგილე დავით დურგლიშვილი და მოადგილე გოჩა ვარდიაშვილი ადგილობრივი თვითმმართველობის წარმომადგენლებთან ერთად სოფელ ბოდბისხევის, ჯუგაანის და ძველი ანაგის მოსახლეობას შეხვდა. სოფლის მხარდაჭერის პროგრამით 2023 წელს სიღნაღის მუნიციპალიტეტში 340 000 ლარი დაიხარჯება.
