სიღნაღის მუნიციპალიტეტის სკოლამდელ სააღმზრდელო დაწესებულებებში საახალწლო ღონისძიებები გაიმართა. საბავშვო ბაღის აღსაზრდელებმა სხვადასხვა ზღაპრის გმირები განასახიერეს.

ბავშვები თოვლის პაპამ საახალწლო ნობათით დაასაჩუქრა.

სკოლამდელი სააღმზრდელო დაწესებულებების გაერთიანების თანამშრომლებმა პატარებს შობა-ახალი წელი მიულოცეს.

29 დეკემბრიდან საბავშვო ბაღებში საშობაო არდადეგები დაიწყება, რომელიც 2022 წლის 17 იანვრამდე გასტანს.