სოფლის მხარდაჭერის პროგრამის ფარგლებში, დასაფინანსებელი პროექტების შერჩევის მიზნით, მოსახლეობასთან შეხვედრები გრძელდება.

დღეს, სიღნაღის მუნიციპალიტეტის მერი მალხაზ ბეგიაშვილი, საკრებულოს თავმჯდომარე დავით ჯანიკაშვილი, მერის პირველი მოადგილე დავით დურგლიშვილი და ადგილობრივი თვითმმართველობის წარმომადგენლები სოფლების - მაღაროს, ქვემო მაღაროს და ილიაწმინდის მოსახლეობას შეხვდნენ.

შეხვედრაზე მოსახლეობამ სოფელში არსებული საჭირობებიდან გამომდინარე პრიორიტეტული საპროექტო წინადადებები წარმოადგინა.

სოფლის მხარდაჭერის პროგრამა ხელს უწყობს როგორც სოფლისთვის მნიშვნელოვანი საკითხების მოგვარებაში მოქალაქეთა ჩართულობის გაზრდას, ასევე, თემის პრიორიტეტებისა და სამომავლო განვითარების მიმართულების განსაზღვრას.

#სოფლისმხარდაჭერისპროგრამა2022