სიღნაღის მუნიციპალიტეტის მერი მალხაზ ბეგიაშვილი, ადგილობრივი თვითმმართველობის თანამშრომლებთან ერთად, საქართველოს კულტურული მემკვიდრეობის დაცვის ეროვნული სააგენტოს წარმომადგენლებს შეხვდა.

მიმდინარე წელს ქალაქ სიღნაღში მდებარე კულტურული მემკვიდრეობის ძეგლის სტატუსის მქონე ისტორიული ციხე-გალავნის რეაბილიტაცია დაიწყება.

მალხაზ ბეგიაშვილმა კულტურული მემკვიდრეობის ეროვნული სააგენტოს წარმომადგენლებთან საპროექტო დოკუმენტაციის ტექნიკური მხარე და რეაბილიტაციის მასშტაბურობა განიხილა. ამ ეტაპზე მუშავდება საპროექტო დოკუმენტაციის ტექნიკური ნაწილი, რომელიც ციხე-გალავნის სარეაბილიტაციო სამუშაოებისთვის საჭირო კვლევებს, პროექტირებას და შესაბამის მომზადებას გულისხმობს.

ქალაქ სიღნაღის ისტორიული ციხე-გალავანი აგებულია XVIII საუკუნის მეორე ნახევარში. კულტურული მემკვიდრეობის ძეგლს მრავალი წელია რეაბილიტაცია არ ჩატარებია.

ისტორიული ძეგლის აღდგენა-რეაბილიტაცია 2022-2023 წლებში განხორციელდება.