ხორნაბუჯში შესასვლელი გზის რეაბილიტაცია
სიღნაღის მუნიციპალიტეტის სოფელ ხორნაბუჯში შესასვლელი ცენტრალური გზის რეაბილიტაცია მიმდინარეობს.
ამ დროისთვის ასფალტის საფარის პირველი ფენის დაგება გრძელდება.
პროექტის მიხედვით, 684 მეტრის მანძილზე ორფენოვანი ასფალტის საფარი და სანიაღვრე მოეწყობა.
გზის რეაბილიტაცია რეგიონში განსახორციელებელი პროექტების ფონდიდან და სიღნაღის მუნიციპალიტეტის ადგილობრივი ბიუჯეტიდან ფინანსდება, რომელზეც 475 298 ლარი დაიხარჯება.